Your Favourites
Login / Register
LOCAL TIME: 03:08 pm | Saturday, 08 August
ShowMe™ Vaal RSS Feed ShowMe Vaal Facebook Page Follow ShowMe™ Vaal on Twitter

Voëlkyk – waar begin jy?

Suider Afrika spog met meer as 900 voëlspesies. Hier in die Vredefort Koepel het ons, volgens ‘n lys wat Jan Fourie ‘n paar jaar gelede opgestel het, ongeveer 331 spesies.

Van 1934 tot 1983 het Nollie Meiring toe alreeds 200 spesies vir Parys en omgewing aangeteken.
Voëls is gedurig besig om hul voedingsgebied uit te brei en as gevolg daarvan kan daar seker teen hierdie tyd nog ‘n paar op Jan se lys bygevoeg word.

Wat het jy nodig om voëls te kyk?
  1. Die volgende is die basiese benodigdhede om te kan voëls kyk:
    Tyd: Jy moet ‘n uur of drie kan afknyp om rustig te gaan sit of ry om voëls te kyk. Soms is jy gelukkig, byvoorbeeld by ‘n vakansieplek, waar jy ‘n rukkie kan sit, en dan kom hulle na jou toe, maar ander kere moet jy maar rondbeweeg en kyk wat jy kry. Die beste tyd om voëls te kyk, is vroeg in die oggend en dan weer laatmiddag.
  2. ‘n Goeie verkyker – grotes en kleintjies help almal om voëls en hul kleure beter te sien. Jy het beslis nie ‘n Swarovski teen ’n allemintige R27 000 nodig nie.
  3. ‘n Voëlboek – waarin jy voëls wat jy gesien het kan opsoek en identifiseer. Daar is verskeie boeke op die mark en selfs elektronies beskikbaar.
  4. ‘n Piekniekmandjie

Waar kan jy voëls kyk?

Vakansieplekke en die wildtuin bied die ideale geleentheid om voëls te kyk. As jy dit as ‘n stokperdjie beoefen, gee dit jou altyd iets om te doen as jy nie daardie leeu of luiperd in die wildtuin kan opspoor nie.

Wees verseker daar is altyd iewers ‘n mooi voëltjie en wanneer jy stilhou sal daar vinnig ‘n paar karre stop om vol verwagting te vra “Wat sien jy?” ’n Taamlike teleurstelling dan vir ernstige wildkykers as jy sê ’n Witkruisarend, Rooiborslaksman, of Swaelstertbyvreter.

Die plaaslike Feathers Voëlklub probeer om een keer per maand ‘n uitstappie te reël. As klub het ons die geleentheid om verskeie plase en vakansieoorde te besoek om voëls te kyk, want as individu het jy nie altyd die geleentheid om by al die plekke in te kom nie, en moet jy jou voëlkyk tot die paaie, vakansietyd en onmiddelike omgewing beperk.

Die maklikste plek om te begin voëls kyk is sommer in jou tuin. Jy het nie baie tyd nodig nie, en as jy boonop bietjie saad en vrugte uitsit sal jy verbaas wees om te sien hoeveel voëls om ons is. Dit verskil byna van straatblok tot straatblok in Parys. Voëls beweeg ook rond op soek na kos en jy kan dus van tyd tot tyd ander voëltjies in jou tuin sien. As jy belangstel in ons voëlbevolking, gaan sit bietjie op jou stoep en geniet dit wat die natuur jou letterlik op jou voorstoep bied.

Besoekers en nuwe lede is altyd welkom by Feathers Voëlklub en teen R50 per jaar kan jy maandeliks deel in ander voëlkykers se ervarings, en deelneem aan die uitstappies.

Vir vrae oor voëlkyk in die omgewing, Feathers Voëlklub, en hul verdere uitstappies na die grendeltyd, kontak Hansie Bekker by +27(0)82 820 4306 of +27(0)56 811 4754

Artikel deur Hansie Bekker en oorspronklik in die Parys Gazette gepubliseer




Book your accommodation right here on ShowMe.

You can find the top hotels, lodges and Airbnb establishments conveniently placed on the map below. All you need to do is click on the place that’s conveniently located and within your budget and then make a booking. What could be easier?


If the map is not where you want to be, click on the ShowMe Pin and then enter the exact name of the location and the map will adjust accordingly.





UA-96834638-1