R1,7m SA-rekord vir dié Boran-bul
Boran Bul
‘n Nuwe SA-rekord vir ras, en ’n rekord vir die tweede duurste bul ooit in SA verkoop, is die afgelope naweek in Parys tydens die Nasionale Boran-veiling behaal.
Die bul van Wessel Meyer (eienaar en teler) van Meybor Borane is vir nie minder nie as R1,7 miljoen aan Jaco van der Walt verkoop.
Die duurste koei en kalf op die veiling is vir R350 000 aan Hurwitz Farming verkoop. Die verkoper was Stompie Olivier.
Die duurste dragtige koei is vir R130 000, en die duurste dragtige vers vir R180 000 verkoop.
Vleissentraal het die veiling by die AfriDome in Parys gehou, met Johan van der Nest as afslaer.
Die veiling is ook aanlyn met behulp van Swiftvee gehou.
Deur Liezl Scheepers en oorspronklik in die Parys Gazette gepubliseer
Related Articles
Comments
