KyKNet Voer Onderhoud Met Jennifer Jones

Die “Kollig” produksie span van KykNet & Kie het vir Jennifer Jones genader om ‘n Jennifer Jones profiel en onderhoud te voer.

Die onderhoud het te Lord’s Signature Hotel in Rissiville plaasgevind op 2014-01-15.

Die onderhoud is deur die bekende Denver Vraagom gevoer waar hy Jennifer oor haar loopbaan deur uitgevra het en oor haar lewe deur die jare as kunstenaar in Suid Afrika en international.

Na die onderhoud is Denver gevra wat sy hoogtepunte van die onderhoud met Jennifer was, waarop hy geantwoord het: “Omtrent alles, ek is mal oor die Lord’s Signature Hotel en het ‘n kans gehad om ‘n bietjie van Vereeniging te sien. Om vir Jennifer Jones na soveel jare weer te sien was fantasties! Sy’s nog steeds die ‘delectable’ Jennifer Jones, haar energie is nog steeds dieselfde!”

“My gunstelling antwoord van haar was toe ek vir haar vra wat haar lewensleuse is, toe bly sy ‘n rukkie still en se net: ‘JA!’ Ons het geskaterlag!!!”

Jennifer op haar beurt het ons meegedeel dat sy al baie saam met Denver gewerk het in die verlede en hulle al jare vir mekaar ken. Sy het haar onderhoud terdee geniet en groot dank aan Andre’ Jansen, die Algemene Bestuurder van die hotel wat weereens toestemming gegee het om die persele te gebruik, asook aan die KykNet en die Kollig produksie span wat vir haar die geleentheid gebied het.

Die uitsaai datum van die onderhoud is nog nie bekend nie, maar meer infomasie oor “Kollig” kan op hulle Facebook blad by: https://www.facebook.com/pages/Kollig/152201674946568 verkry word.

Meer informasie oor Jennifer Jones kan op haar webblad gekry word te: www.jenniferjones.co.za

Geskryf deur: Leon Joubert
ShowMe Vaal

Click on the photo to link through to more photo’s

Click on the photo to link through to more photo’s