Tiaan Massyn Impressie met Seelvolle Nuwe Enkelplaat

Benewens sy aantreklike voorkoms, charismatiese persoonlikheid, kundigheid as ‘n optometrist, en skerpsinnige sakemansvermoë, het Tiaan Massyn homself ook as ‘n sanger gevestig.

Nou, met sy besige skedule as die huidige Mr. South Africa, is die veelsydige dertigjarige weer in die kollig met ‘n splinternuwe enkelplaat wat verseker harte sal aanraak.

GUNSTELING SPYT is ‘n indrukwekkende pop-ballade, geskryf deur Ernes Smit, wat die emosionele kompleksiteit van ‘n ongehonde romantiese verhouding ondersoek. Dit skets ‘n prentjie van die interne stryd tussen liefde en selfrespek, en die dikwels pynlike reis na genesing en om vorentoe te beweeg.

“Verhoudings wat uitmekaar val kan blywende merke agterlaat. Die lied ontstaan uit die pyn en ontwrigting wat ons almal ervaar wanneer so iets met ons gebeur,” verduidelik hy oor die betekenis agter die enkelplaat. “Dit is ‘n ballade met rou en eerlike lirieke, wat ‘n scenario reflekteer waar jy jouself in ‘n liefde verhouding bevind wat, ten spyte daarvan dat dit ongehonde is, moeilik is om te breek soos ‘n verslawing. Ek dink baie mense sal hiermee kan identifiseer omdat ek glo die meeste van ons al in soortgelyke situasies was waar ons moes leer, genesing moes vind en vorentoe moes beweeg.”

‘n Musiekvideo, wat die boodskap van hierdie emosionele vrystelling perfek vasvang, is nou ook beskikbaar.

Dit is verfilm deur Winter Trail Pictures se Zander de Beer en toon die Atterbury-teater in Lynnwood sowel as ‘n huis waar twee geliefdes saam ‘n lewe gebou het.

Die video vertel die storie van ‘n vrou wat vrede maak met die einde van ‘n eens belowende verhouding, terwyl sy haar lewe oppak en afskeid neem van ‘n gedeelde toekoms.

“Daar is baie verlies aan die einde van ‘n verhouding. ‘n Lewe is saam gebou, en die beeldmateriaal illustreer hoe jy in sulke scenario’s moet oppak, afskeid neem, genesing vind en oorbegin,” sê hy.

GUNSTELING SPYT is die sanger se derde enkelplaat, wat volg op Die son kom op en The Crossing – sy weergawe van die Johnny Clegg-klassieke, wat hy gebruik het as deel van sy Mr. South Africa veldtog. Beide liedjies is goed ontvang deur die publiek en het tyd op verskeie groot radiostasies ontvang.

Wanneer hy nie sing nie, werk hy as ‘n voltydse optometrist by sy praktyke in Centurion en die Wes-Kaap en voltooi ook sy heerskappy as Mr. South Africa.

Alhoewel hy persoonlik meer ernstige musiek geniet, beplan hy om die somer te vier met ‘n aansteeklike nuwe danslied, wat die volgende projek sal wees waaraan hy gaan werk.

Tiaan se seelvolle weergawe van GUNSTELING SPYT bevestig sy vermoë om harte aan te raak met sy musiek – presies soos hy poog om ‘n verskil te maak in die lewens van die mense wat hy daagliks ontmoet.

“Ek hoop hierdie lied sal ook troos en aanmoediging bring aan enigiemand wat aan die einde van ‘n verhouding is en baie pyn moet verwerk,” sluit hy af.

Die enkelplaat is nou beskikbaar op alle streaming platforms.

Oorspronklike weergawe Samdb