Silvertonkruin Nederduitse Gereformeerde Kerk

Waar het dit begin?

Silvertonkruin het in 1975 afgestig van Silverton Moedergemeente. Baie vroeg in die gemeente se geskiedenis het die gemeente die bynaam “Drie-kruise gemeente” gekry, as gevolg van die drie kruise wat agter die kansel op die muur gegraveer is. Hierdie kruise sou met die verloop van tyd die simbool van die gemeente word. Soveel so dat dit tot in die gemeente se kenteken opgeneem is en ook as basis dien vir die gemeente se visie. Wat beteken hierdie kruise?

Die sentrale kruis wat in die middel staan is die grootste en die belangrikste. Dit simboliseer Christus wat na die aarde gekom het om die mensdom te verlos. Die kruis aan die linkerkant is heelwat kleiner as die ander twee. Hierdie kruis verwys na die spottende booswig wat gekies het om die verlossing te verwerp. Die kruis aan die regterhand loop reg deur die horisontale balk van die sentrale kruis, wat daarop wys dat die boodskap van Jesus aan die hele wêreld vertel moet word.

Fokus op God

Silvertonkruin is sterk gevestig in die tradisie van die Nederduitse Gereformeerde Kerk van Suid-Afrika (N.G.K.). In hierdie tradisie staan die verkondiging van die Bybel – die Woord van God – sentraal.

Dit bereik ons deur die weeklikse eredienste wat op ‘n Sondag plaasvind, wat gepaardgaan met programme vir kinders. Ons bied  ook Bybelstudies aan, sodat ons die konteks van die Bybel beter kan verstaan.

Fokus op mense

‘n Baie sterk gedeelte van ons identiteit is ons fokus op mense. Die aard van ons gemeente is gefokus op die mense in die gemeente. Ons wil graag weet hoe dit met jou gaan, wat jou toekomsplanne is,  hoe jy God beleef en hoe jy jou geloof beoefen, sodat ons jou kan ondersteun, opbou en jou geloofspad saam met jou kan stap.

Om dit te kan doen, het ons ‘n uitstekende Gasvryheidspan wat jou Sondae welkom heet by die deur en seker maak dat ons leraarspan by jou kan uitkom, indien jy ‘n nuwe intrekker is. Ons Gasvryheidspan sorg ook vir die tee na elke erediens. Wat probeer ons sê? Ons hou daarvan om te kuier.

Fokus op jou

Ons is ook bewus daarvan dat geloof privaat is. Daarom is ons gemeente daarop gefokus om elke lidmaat in ons gemeente te bemagtig met die toerusting wat hulle nodig het om te groei in hul geloof. Die reis begin alreeds by die Doop.

Ons fokus is dus op die geestelike groei van elke lidmaat. Hiermee help ons E-Kerk, wat iets bied vir elke lidmaat in ons gemeente.

Skakel in by ons eredienste wat op ‘n Sondag om 08:45 plaasvind.

Waar het dit begin?

Silvertonkruin het in 1975 afgestig van Silverton Moedergemeente. Baie vroeg in die gemeente se geskiedenis het die gemeente die bynaam “Drie-kruise gemeente” gekry, as gevolg van die drie kruise wat agter die kansel op die muur gegraveer is. Hierdie kruise sou met die verloop van tyd die simbool van die gemeente word. Soveel so dat dit tot in die gemeente se kenteken opgeneem is en ook as basis dien vir die gemeente se visie. Wat beteken hierdie kruise?

Die sentrale kruis wat in die middel staan is die grootste en die belangrikste. Dit simboliseer Christus wat na die aarde gekom het om die mensdom te verlos. Die kruis aan die linkerkant is heelwat kleiner as die ander twee. Hierdie kruis verwys na die spottende booswig wat gekies het om die verlossing te verwerp. Die kruis aan die regterhand loop reg deur die horisontale balk van die sentrale kruis, wat daarop wys dat die boodskap van Jesus aan die hele wêreld vertel moet word.

Fokus op God

Silvertonkruin is sterk gevestig in die tradisie van die Nederduitse Gereformeerde Kerk van Suid-Afrika (N.G.K.). In hierdie tradisie staan die verkondiging van die Bybel – die Woord van God – sentraal.

Dit bereik ons deur die weeklikse eredienste wat op ‘n Sondag plaasvind, wat gepaardgaan met programme vir kinders. Ons bied  ook Bybelstudies aan, sodat ons die konteks van die Bybel beter kan verstaan.

Fokus op mense

‘n Baie sterk gedeelte van ons identiteit is ons fokus op mense. Die aard van ons gemeente is gefokus op die mense in die gemeente. Ons wil graag weet hoe dit met jou gaan, wat jou toekomsplanne is,  hoe jy God beleef en hoe jy jou geloof beoefen, sodat ons jou kan ondersteun, opbou en jou geloofspad saam met jou kan stap.

Om dit te kan doen, het ons ‘n uitstekende Gasvryheidspan wat jou Sondae welkom heet by die deur en seker maak dat ons leraarspan by jou kan uitkom, indien jy ‘n nuwe intrekker is. Ons Gasvryheidspan sorg ook vir die tee na elke erediens. Wat probeer ons sê? Ons hou daarvan om te kuier.

Fokus op jou

Ons is ook bewus daarvan dat geloof privaat is. Daarom is ons gemeente daarop gefokus om elke lidmaat in ons gemeente te bemagtig met die toerusting wat hulle nodig het om te groei in hul geloof. Die reis begin alreeds by die Doop.

Ons fokus is dus op die geestelike groei van elke lidmaat. Hiermee help ons E-Kerk, wat iets bied vir elke lidmaat in ons gemeente.

Skakel in by ons eredienste wat op ‘n Sondag om 08:45 plaasvind.

Is jy ‘n nuwe intrekker of wil jy graag by ons gemeente inskakel?

Laat ons asseblief toe om onsself, Silvertonkruin gemeente, aan jou bekend te stel.

Silvertonkruin is eintlik nie ‘n gemeente nie, maar eerder ‘n hegte familie, wat mekaar se belange op die hart dra, vir mekaar omgee, mekaar ondersteun en deel in mekaar se lief en leed en waar ALMAL welkom is!

God, die Vader, Jesus Christus sy Seun en die Heilige Gees, asook die woord van God, die Bybel, staan sentraal in ons gemeente se bediening en is ononderhandelbaar. 

Wat kan jy verwag?

Ons eredienste is gewoonlik so tussen 60 minute en 75 minute lank. In daardie tyd deel ons hoe dit met mekaar gaan. Tydens die diens, word ‘n ruimte geskep vir ons kinders waarna hulle uitgaan om ‘n boodskap wat op hulle vlak van toepassing is, te ontvang. Voel jy onrustig dat jou kinders moet uitgaan? Ontspan, ons kerkruimte is só ingerig dat daar ‘n ruimte vir kinders in die erediens is.

Hoe moet jy aantrek?

Ons glo dat God se fokus nie op mense se kleredrag is nie, maar wel op die opregtheid van hulle hart. Of jy nou jou denim of jou kispak wil aantrek, jy is meer as welkom in ons erediens. 

Wat van die kinders?

Silvertonkruin se jongmense en kinders is die hartklop van ons gemeente en BAIE SPESIAAL!!! Hulle is ons toekomstige leiers op geestelike-, sekulêre-, korporatiewe- en sosialevlak en daarom word daar ook baie spesiale moeite met en vir hulle gedoen.
Ons kategese bestaan uit twee groepe:
Kruin-Kids is die naam vir ons junior kategese – graad 1 tot graad 6,
Kruin-Jeug is ons senior kategese – graad 7 tot graad 10.
Ons het ‘n uiters bekwame en toegewyde Kategetespan, onder leiding van Nardus Dodds, ons Kategesehoof en Suzette Marais, ons Kategese-sekretaresse. Hannes van Deventer, ons Teologiese student en Danèl Swart, ‘n student in Vroeë Kinderontwikkeling is verantwoordelik vir die skryf van ons kategesemateriaal, onderskeidelik die “Delf Dieper” en “Vir die Kleinspan”. Die Kategese word betrek by geestelike uitreike asook barmhartigheidsprojekte van die gemeente en daar word ook jaarliks ‘n paar prettige uitstappies en kampe vir hulle gereël.

Doop

Indien u, u kindjie graag wil doop, kontak gerus die kerkkantoor, telefonies by 079 162 1443 of per e-pos by admin@silvertonkruin.com

Huwelike

Voornemende huwelikspaartjies, wil julle graag hê Ds Vanwyk Fischer moet julle in die huwelik bevestig? Kontak dan so spoedig moontlik die kerkkantoor om julle beplande huweliksdatum in sy dagboek aan te teken en die nodige administratiewe reëlings aan julle deur te gee.
Kontakbesonderhede:
Telefonies – 079 162 1443
e-pos: admin@silvertonkruin.com

Begrafnisse

Ons as Gemeente is saam met u hartseer oor die verlies wat u as gesin, familie en vriende in hierdie tyd beleef. U kan ons kerkkantoor by 079 162 1443 kontak. Dit is ons opregte voorneme om die dank-, rou- of begrafnisdiens so spesiaal moontlik te maak. Om dit te verwesenlik, is daar ongelukkig ‘n paar administratiewe reëlings wat getref moet word.

Ons as Gemeente bied die volgende spysenieringsdiens aan, waarvan u gebruik kan maak. Ons Gemeente voorsien alle kombuisware (koppies, pierings, kleinbordjies, glase ens.). Ons voorsien ook tee, koffie, ystee, suiker en melk. U is dan verantwoordelik vir enige verdere eet- en drinkgoed vir die geleentheid. U is welkom om van Uitkyk Vleis- en Supermark se dienste gebruik te maak soos in die “platter” lys vervat. Indien u van die opsie gebruik maak, word die aflewering van die produkte gratis gelewer. Kotie Oberholzer, die dame wat  verantwoordelik is hiervoor, sal u so spoedig moontlik kontak om die reëlings te finaliseer.