Koos Kombuis is ‘n Suid-Afrikaanse kulturele ikoon. Hy is aktief in verskeie genres en werk as rubriekskrywer, skrywer, musikant en kunstenaar sedert die laat 1980’s. Koos sê hy sien vreeslik uit na sy vertoning by die Atterbury Teater. “Ek is skoon opgewonde as ek weet ek kan weer by die Atterbury Teater optree. Alles is so lekker en reg daar. En die gehore is great!”

Die res is geskiedenis. Kom geniet Koos se treffers soos Lisa se Klavier, Boer in Beton, Johny is nie dood nie, Biscyle sonder slot, Kytjie en vele meer. Jy gaan natuurlik ook die kans kry om vir Koos te vra om jou gunsteling Koos Kombuis-treffer te sing. Daar gaan ook ‘n paar nuwe liedjies wees wat Koos met die gehoor gaan deel.