Afrikaans is Groot is terug en dié konsert is jóúne
Die gesogte Afrikaans is Groot-konserte, wat vanjaar sy agste bestaansjaar vier, is terug en gehore kan uitsien na ’n selfs meer fenomenale tentoonstelling van ons land se grootste Afrikaanse kunstenaars wat gehore se asems met hul grootste liedjies sal wegslaan.
Daar kan weer uitgesien word na optredes deur Steve Hofmeyr, Theuns Jordaan, Bok van Blerk, Jay, Corlea, Bobby van Jaarsveld, Karlien van Jaarsveld, Riana Nel, Elvis Blue, Tarryn Lamb en Demi Lee Moore. ’n Volledige lys van al die kunstenaars sal binnekort bekend gemaak word.
Afrikaans is Groot 2019 vind plaas op 22 November om 19:30, 23 November om 13:00 en 19:30, 24 November om 13:00, 29 November om 19:30, 30 November om 13:00 en 19:30 en 1 Desember om 13:00, by die Sun Arena by Time Square in Pretoria.
Kaartjies is slegs by Computicket-aanlyn of by Shoprite/Checkers en House & Home-winkels beskikbaar en open amptelik op 5 Maart om 10 vm. Die publiek word gewaarsku om waaksaam te wees teen derde partye wat kaartjies aanbied.
Maak seker jy is gereed om jou kaartjies te bespreek.