Your Favourites
Login / Register
LOCAL TIME: 03:20 am | Tuesday, 20 August
ShowMe™ Paarl RSS Feed ShowMe Paarl Facebook Page Follow ShowMe™ Paarl on Twitter

Smaaksensasies by KWV Wine Emporium

Smaaksensasies by KWV Wine Emporium

‘n Onvergeetlike ontdekkingsreis vir alle KWV aanhangers – kom besoek ons in die Paarl.

Wine TourFynproewers en wynliefhebbers kan gerus ‘n draai by die wynkelders van die KWV maak. Besoek die KWV Wine Emporium geleë te Kohlerstraat, Paarl.  KWV se bekroonde produkte (vonkelwyne, witwyne, rooiwyne, gefortifiseerde wyne, brandewyne en likeurs) kan hier geproe en gekoop word. Vriendelike en goed opgeleide personeel sal hierdie besoek vir u leersaam en aangenaam maak.

Verwen u smaaksintuie  – proe vier van KWV se puik brandewyne tesame met Belgiese sjokolade of geniet die “Snoephappie-en- Wyn Ervaring” waar u vyf verskillende wyne met tradisionele snoephappies (biltong, droëwors en neute) kan proe.

Nuwe Ervaring :

Chocolate and Wine TastingOns nuutjie vir Kersfees  is die elegante en smaakvolle “Wyn-en-Sjokolade Ervaring”.   Vier van ons Cathedral Cellar wyne word met eksklusiewe sjokolade –spesiaal vir ons ontwikkel- geproe. Name soos “White Hot Plum” en “Dark Malted Cherry” is net ‘n indikasie van die smaakvolle  en unieke ervaring wat u kan verwag !

Die keldertoere word daagliks op geskeduleerde tye aangebied en is ‘n moet.  Die toer sluit  ons verouderingskelders, die asemrowende Katedraal Kelder asook die vyf grootste vate onder een dak in ter wêreld in.

U kan beslis nie huistoe gaan sonder ‘n besoek aan ons wynkelders nie !