Wynand sê geluk aan Wendorp se Wenskool

Die advertensie wat Kwêla daardie jaar geborg het (kyk die video) het ook gesê “Van Kerkdorp na Wendorp”.
Dit was nie net mooi woorde nie, dit is die waarheid: Middelburg – die dorp van wenners.

Hoe dan anders as ’n dorp wat ’n Comrades wenner opgelewer het in George Claassen, Springbok rugbyspelers soos Bakkies Botha (tot in graad elf in HTS Middelburg), Jan Lock, Boeboes Coetzee, Tommy du Plessis, Kwagga Smith en die Springbok kaptein Wynand Claassen.

Van Suid-Afrika se top tydrenjaers of navigators was van hier: Koos Roos, Nuno da Cunha, Wiley Harrington, Hennie Steenkamp en Elvene Vonk.

’n Dorp waar die beroemde skilder Gerard Sekoto groot geword het, van sy skilderye verkoop vandag vir tot R3 miljoen.

Waar die Bybel vertaal is in Sepedi en die eerste inheemse Bybel geword het wat volledig vertaal en gedruk is in Suid-Afrika.

Waar beroemdes en bekendes soos Nando’s se stigter Robert Brozin grootgeword het.

Waar…
Die lys is te lank om voort te gaan.

Kom ons keer terug na die hede.

Die land se top laerskool onderwyseres is pas aangekondig en sy is ’n Middelburger – Noori-Sha Seedat.

Die land se top skole is aangekondig en Hoërskool Middelburg is tweede.

Wynand Claassen, wat in 1968 in matriek was by die skool en nie net hoofseun was nie, maar ook die eerste rugbyspan se kaptein, het ’n geluksboodskap vir Middies gestuur (kyk video).

Read the full article on: Middelburg Observer