Getooi in rooi op haar fiets vir Rooies matriekafskeid!

Met haar rooi kortbroek op haar fiets, het Keara Botha beslis die oog gevang tydens HTS Middelburg se matriekafskeid!

Keara Botha wou nie soos haar maats in sportmotors by die matriekafskeid opdaag nie en het besluit om met haar fiets haar skoolloopbaan op ’n hoë noot af te sluit.

Hoe dan anders, want dié fietsryer van die Rooies was die afgelope seisoen eerste in haar ouderdomsgroep in Mpumalanga en vierde (ook in haar ouderdomsgroep) in Suid-Afrika.

Om fiets te ry met ’n aandrok is nie maklik nie en het sy sommer self haar uitrusting ontwerp om selfs daarvoor voorsiening te maak.

Keara het met ’n rooi kortbroek aangery gekom, waarna haar metgesel vir die aand, Lorenzo Gates (ook ’n fietsryer) by die rooi tapyt haar rok se romp vir haar gehelp vasmaak het oor die fietsrybroek.

Lees die volle artikel op: Middelburg Observer